أجمل نكت ليبية 2024 للترفيه على أنفسكم، نكت ليبيا جديدة مضحكة جدا ستسمعها لأول مرة مكتوبة قابلة للنسخ لإرسالها لأصدقائك أو عائلتك على الواتس اب أو فيس بوك، نكت ليبيه للمرح والترفيه بينكم وقد حاولنا تجميع أكبر عدد من النكت الليبية الشعبية المتداولة في الشوارع الليبية المحترمة بدون أي كلمات نابية، وهذه النكت ستزرع الإبتسامة في وجهك دون شك وهذا ما نتمنى حقا الوصول له.
نكت ليبية
- سكران صلي بروحه فاتته ركعة .
- واحد خاطم من الشارع يسمع في التخبيط طاق طيق واصل لي راس الشارع القي الجماعة يلعبو في كارطة بالزينقو .
- واحد سكران طينة امعكس في الشارع في الليل القي سوداني شاد شكاير كناسة قاله ربي يصون .
- في شيباني ليبي مشي من سيربح المليون مشي سأله جورج قرداحي قاله من حاي معاك …. الشيباني قاله أمي … مشي قاله جورج قرداحي عنجد أمك … ( يعني بجديات ) قاله الشيباني عنجد بوك .
- واحد طاح من فوق الحيط قالوله جاتك سليمة قاللهم قوللها اتخش المربوعة توا انجي .
- سكران طاح من فوق عمارة قالولله لابس شنو صار قاللهم و الله ماني عارف حتى اني كيف واصل .
- واحد قالت له الابلة ارسم فيل مشي ارسملها نقطة قالت له وين الفيل يا فرخ .. قاللها ما تشوفيش فيه جاي من بعيد .
- في واحد مصري مشي للجزار قاله اعطيني لحمة بجنيه قاله الجزار هاك الحس الشيتة .
نكت ليبية مضحكة
- واحد ماشي في الطريق و عنده بيجو القي واحد عنده مكسمة مشي قاله شنو رايك انديرو افاري .. قاله صاحب المكسمة تي شنو تحسابني خروف انبدل مكسمة بي بيجو .. قاله صاحب البيجو هادي فيها سر مشي ضرب علي الكوفني طلع مارد قاله برا جيب شاهي و كاكوية … مشي صاحب المكسمة فرح .. بدلو لي بعضهم .. روح صاحب المكسمة بالبيجو قالوله اهله يامهبول اتبدل مكسمة بالبيجو .. قاللهم هاذي فيها سر ضرب علي الكوفنو جاه المارد قاله جيبلي 2 ليبو و 1 مكسمة .. قاله المارد أسف اختصاصي شاهي و كاكاوية بس .
- مراءة ليبية مشت من سيربح المليون مشي علقت في سؤال طلبت استعانة بصديقة .. اتصل جورج قرداحي : الوو أخت فاطمة .. معاك جورج قرداحي من برنامج من سيربح المليون .. قاتله و النبي سكر من غير تسهويك .
- فيه ابلة تشرح للطلبة درس الاتحاد قوة مشي نوضت طالب اسمه ابو عجيلة .. قالت توا بنعطو لي ابو عجيلة عصا وحدة بكسرها .. طربق ابو عجيلة العصا .. قالت توا بنعطوا ابو عجيلة عصاتين مع بعض .. طربق ابو عجيلة العصاتين .. بعدين قالت توا بنعطوا ابو عجيلة الحزمة كلها مايقدرش يكسرها .. مشي طربق ابو عجيلة الحزمة كلها .. قالت له فلقت الدرس يا ابو عجيلة جديدة
- مرة فيه واحد سكر راسه على صوابع خوه.
- الولد لأبنه: نسكّر التلفزيون ؟ … الإبن : لا لا .. خليه مردود.
- مرة فيه شاب مرخي يسوق في سيارة وطلع في الأحمر .. لحق عليه الشرطي بالموطو وقال له بعصبية : ليش طلعت في الأحمر؟ رد الشاب بخوف : والله انا لما طلعت ما كانش أحمر هلبة .. يعني تقدر تقول نص نص.
- واحد أحول بيزوق حوشهم زوق حوش جارهم .. وجارهم حتى هوا أحول خطم عليه قال له “ربي يعاون والعقبة لينا”.
- مرة واحد عضه كلب ردهاله.
- واحد بطنه توجع فيه مشي لدكتور باكستاني سأله الدكتور : لاباس عليك .. رد عليه : والله يا دكتور واكل هندي(يعنى تين شوكى) .. الدكتور سيبه وهرب.
- الأول : كيف تقول لشخص أجنبي تعالي هنا بالإنجليزي ؟ … الثاني : نقول له “كم هير” .. الأول : وكيف تقول له برة غادي بالإنجليزي ؟ .. الثاني : نمشي غادي ونقول له “كم هير”.
- واحد مشترك في من سيربح المليون .. ولما وصل في سؤال صعب طلب يتصل بصديق .. واعطاهم رقم مرته .. ولما كلماته قال لها : شنو رايك ياحبيبتي نحذف إجابتين أو ناخذ راي الجمهور؟.
- الزبون للبائع : عندك سلاطة خضرا ؟ .. البائع : للأسف ما عنديش !! .. الزبون : باهي شوفلي أي لون تاني. الأول : تجي نديرو آفاري ؟ .. الثاني : كيف ؟ .. الأول : أنتا تعطيني نص الفلوس اللي معاك وأنا ناخذ منك النص الثاني.
- الأب للمدرس : علاش ضربت ولدي أمس ؟ .. المدرس : لأن ولدك (حاشاكم) حمار .. ما يعرفش يكتب كلمة “فيل” .. الأب بإستغراب : فيل يا ظالم !! .. ولد في الصف الأول تبيه يكتب فيل ؟ .. قول له يكتب برغوثة .. عصفورة .. حمامة بالكثير مش فيل !!!!؟.
- أثنين طرش ساكنين مقابلين بعض .. الأول طالع من حوشه وشاد في أيده بندقية والثاني طالع من حوشه وشاد في أيده بندقية .. الأول: أنتا ماشي تبي تصطاد؟ .. الثاني: لا .. انا مكسد قلت نطلع نصطاد .. الأول: خسارة .. قبل نحسابك ماشي بتصطاد قلت نتسايرو.
نكت ليبية جديدة
قالك في واحد سكـران .. اركب سيارته ,, ما القاش الدومان و الفودرا و البضاعـة ..استغرب اتصـل بالشرطـة .. قال لهم السيارة انخنبت.. الفودار و الدومان و البضاعة مهناش..جوه الشـرطــة القـــوه راكب في كــرسي الخلفى.
قالك في عيد الاضحى..واحد عنده ولد سحنــون..امشي الراجل اذبح الخروف و قال: للولد هي زود انفخها..قالك كيف يا بوي؟.. قاله انخفها زي الناس..امشي الولد ابدي ينفخ في الخـروف ..ايقوله ..ايوة انت يا خروف..الي عندك قرون..انت يا خروف يا زعيم يا الي عندك هلبة صــوف .. على اساس ينفخ فيـه .
قالك في زوز امسافرين الى سويسرا .. بالباص امتع دورين .. المهم واحد اركب فوق وواحد لوطى. .بعد وقت الي الدور الفوقي ,, نزل راسه ايكلم في صاحبه الي لوطى ,, قاله شنو وين وصلتـوا ,, قاله اهو … قريب نوصلوا بوابـة مسـاعد…قاله تي باهي امليـح ..احني سواقنا قاعد ما جــاش يا راجــل
الحاج مسعود حارس قفص الغزلان في حديق الحيوان طلبو منه جماعته انه يجيبلهم غزال يزردوا بيه
ووافق بعد إلحاحهم الشديد
وبعد فترة جت لجنة عشان يتأكدو من الحيوانات اللي في الحديقة
وهو خاف يكتشفو الغزال الناقص فلبس جلد الغزال ورقد في التركينة
لما جت اللجنة لقيو عدد الغزلان تمام بس لقيو واحد راقد
سألو خيره؟ قاللولهم مريض
قالو: الغزال لما يمرض ماعاد فيه خير، أرموه للأسد
خذو عمك الحاج على أساس غزال بيرفعوه للأسد والحاج يرعش من الخوف
وانقض عليه الأسد وقال له ما تخافش يا حاج مسعود أنا الحاج بلعيد
- وحدة طرابلسية تكلم في عزوز في بنغازي العزوز قالت تكلمي بقوة شوية يا بنتي، ما سد السمع من الأول بلهون لا بال البعد.
- مرة فيه واحد أحول ماتت امه فبكا على خالته.
- فية واحد محشش دخل مطعم صحارى يبى يقول كليب هاوس قال ماعندكم كلاب مهلوسة.
- واحد محشش بدوة يشتري علبة سجاير راح على البقالجي قلوة بتعرف انجليزي قلوة لا وبعد اسبوع من البحت على بقالجي يعرف انجليزي وجد واحد قلوة اعطيني بكت سجاير مارلبورو.
- نذل اتصل على ( الأف أم ) يهدي اغنيه ( بابا فين ) لكل ايتام العالم..
- واحد كان يلبس رقم 40 في حذاءه ثم أصبح يلبس بعد 5 دقائق 36 ليه؟ قصّ أظافره.
كانت هذه تجميعتنا حول أجمل نكت ليبية مضحكة جدا، وقد جمعنا لكم عشرات نكت ليبية جديدة ستسمعها لأول مرة، ولو كانت لديك نكتة مضحكة لا تبخل علينا بمشاركتها في التعليقات بالأسفل.